lunes, 26 de noviembre de 2012

Aero-deslizadorea

Aste honetan puxika, CD, zeloa, kola pixkat eta botila baten muturra erabilita gure aero-deslizadorea eraiki dugu. Material gutxirekin baino imaginazio askorekin gauza erakargarriak eraiki daitezke.


Esperimentu honekin ikusi dugu nola globoaren haizearekin CDa airetan mantentzen zen espazioan desplazatuz. Airearen presioaren eragina aztertzen joateko proba bikaina.

Hurrengo astean gehiago!

lunes, 12 de noviembre de 2012

Elektrizitate estatikoarekin lanean

Beti bezela berotzen joateko logikako erronka txiki bat egin dugu taldeka. Argazkian ikusten den bezela denon partehartzea beharrezkoa da!!


Ondoren eguneko esperimentazio txikia egin dugu. Gaurkoan elektrizitate estatikoaren eragina aztertu dugu. Globoa buruan igurtzi ondoren ur txorrota nola mugitu dezakeen ikusi dugu. Zer hobea teoria ikasteko bakoitzak esperimentatzea baino!



Hurrengo astean gehiago!!

jueves, 8 de noviembre de 2012

Felix Baumgartnerren eredua jarraituz

Felix Baumgartnerren saltoa gure ikuspuntutik aztertu ondoren esperientzia hori bizitzea erabaki genuen. Jolas eta Solas blogeko partideak erabili genituen erorketa librearen inguruko azterketa egiteko.

Lehendabizi Barrio Sesamoko lagunak bigarren pixutik jaurti genituen. Taldekide batzuk patioan zeuden erorketa kronometratzeko. Neurketa akatsak gutxitzeko hiru aldiz jaurti genituen eta denbora horiek ikusita gure erronkan lanean hasi ginen.
Helburua gure lagunei erorketa denbora luzatzea zen. Horretarako gure "laborategian" lanean hasi ginen. Espazio jantziak, parakaidasak, Epiri kaskoa jarri ziotenak ere bazeuden...
Behin panpinak prest zeudela, beste hiru neurketa egin genituen. Tarteko arazoak ere egon ziren baino pixkanaka trebatuz joan ginen. 

Gauzak honela, esan beharra dago talde guztiek lortu zutela helburua! Erorketa denbora 1,5seg inguru luzatzea lortu genuen.


Hurrengo astean gehiago!!!