Scratch

Ordenagailu bitartez egiten den programaketari hasiera ezin hobea da Scratch programa. http://scratch.mit.edu/ Ikasleei izugarri gustatzen zaie!!

Azalpen bideoa: http://vimeo.com/65583694

Inkubadora

Urteko lehen proiektuan inkubadora bat egiten saiatu gara. Hemen gure ikasleak lanean!

Mezu sekretuak (II)

Suarekin mezu sekretuak pasa ondoren, oraingo honetan ura erabili dugu ardatz bezela. Tolestutako paperen barnean mezu edo marrazki bat egin dugu. Eta ikasi bezela papera uretan utzi ondoren zabaldu egiten da...

Hurrengo astean gehiago!!

Zirkuito elektrikoa

Gure proiektua argiztatzeko asmotan lehen saioak burutu ditugu. Lehen pausoa zirkuito elektrikoaren nondik norakoak ezagutzea zen gero montatuta dagoenean gure eraikinaren barruan barneratzeko.

Hortxe gure "txispas" partikularrak!!

Ura zabaltzen

Aste honetan erronka txiki bat jarri dugu. Nola egin tapoiak plateraren fondoa ikutu dezan, tapoia ikutu gabe?

Horretarako edalontzi bat erabili dugu. Edalontzia zuzen jarrita, tapoiaren gainean jarri eta tapatzen saiatu gara. Edalontziaren barruan dagoen aireak ura zabaldu eta tapoiak fondoa ikutu du!

Lortutako helburua!!!

Arrautza "frijituak"

Oraingoan gure "laborategian" arrautza frijituak egin ditugu zartagirik erabili gabe. Platerean 96ºko alkohola bota dugu. Ondoren arrautza eta amaitzeko berriro ere alkohola gainetik... Denbora pixkat pasatakoan hortxe gure arrautza! Gastronomia lehiaketakoen pare!

Hori bai, bazpare ez probatu... jejeje

Hegazkin lehiaketa

Paperezko hegazkin lehiaketa antolatu dugu. Ea nork lortzen zuen distantzia luzeagoz hegan mantentzea!

Proba ugari egin ondoren, hona hemen emaitza.

Bonba fetidoak

Zerbait berezia egiteko asmotan, bonba fetido batzuk egitea erabaki dugu. Horretarako borragoma batzuk, sukaldeko papera eta metxero/poxpolo batzuk behar genituen.

Borragomak txikituta, paperean bildu genituen. Behin bilduta azpikaldetik berotu eta... ez zegoen gelan egoterik!!

Mezu sekretuak

007 espiak izango bagina bezela mezu sekretuak bidaltzeko sistema bat bilatu dugu. Paperean limoi zukuarekin idatzi ezkero begi hutsez ezin da irakurri. Hori bai, su gainean jarrita...

Lortu ditugu mezu sekretuak bidaltzea!

Titanic eraikitzen

Papera eta material ezberdinen inpermeabilidadea konprobatu nahiean gure itsasontziak eraikitzen jardun gara.

Lehen pausoan diseinatu eta material egokia aukeratuta, praktikan jartzea hoberena bakoitzak berea eraikiz. Titanic gure ikasleek diseinatu izan balute...

Oreka puntua bilatzen

Logika ariketak egiteko aprobetxatu ondoren, elementu ezberdinen oreka puntua bilatzen jardun ginen. Hemen etorkizuneko ekilibristak!!

Ozpindutako arrautza II

Bi egun ozpinetan eduki ondoren...

Azalik gabe azaldu zaigu eta bote txikiak ematen ditu!

Ozpindutako arrautza

Hurrengoan erantzuna!!

Non dago txanpona?

Aste hontako esperimentuan magia pixkat egiten saiatu gara...

Harrigarria dirudien arren, txanpona desagertu egiten da!

Azalpena oso errexa da. Ura edalontzian botatzerakoan, izpiek efektu optiko bat sortzen du. Argia desbideratuz ez die gure begiei txanpona ikusten uzten.

Proba ezazue etxean!

Urarekin jolasean

Oporrak amaituta, gogo handiz hasi dugu berriro ere gure zientzietako txokoa. Aurretik eginiko esperimentuen bideoak ikusi ondoren gure "laborategira" abiatu gara lan egiteko asmoz.

Gaurkoan ur botila bat (1,5lkoa posible bada), puntzoia eta ura behar genituen. Botilak hutsik genituela zulo batzuk egin dizkiogu erdikaldean. Ondoren, urez bete eta tapoia jarri diogu. Gure harridurarako ez zen urik ateratzen!!! Tapoia kendu eta ura ateratzen zen!! 

?¿?¿?¿?¿?¿?¿Zergatik?¿?¿?¿?¿?¿?¿

Gure zientzialariek badute zer pentsatu egun hauetan!

Hurrengo astean gehiago!